دي القصة
البيت الاغرب ف امدرمان والكل الناس شافتو واتسائلت عنو البيدور حولو غموض عجيب ومليون استفهام والليلة حنعرف الحاصل…
في البداية للناس الماعندهم فكرة عنو البيت دا ف شارع النيل امدرمان بعد كبري شمـ,,ـبات بشوية وفاتح ف الشارع طوالي ممكن اي واحد يلاحظ الايقونة العمرانية دي وشكلها الغريب (زي السفينه) دا وليه مبنى بالشكل دا ومطل على النيل يكون مهجور كدا من غير ترميم ولا زول يسكنو!.
اما مٌلاك البيت ف عندها قصتين ومامعروفة الاصح ياتا.
-القصة للاولى بتقول انو البيت حق عائلة قبطية سابت السـ,,ـوداني وهاجرت وخلت البيت.
-القصة التانية يتقول انو ملاك البيت سـ,,ـودانين بس برضو ما في البلد ولمن جو لاحظو الظواهر الغريبة ف البيت وماقدروا يسكنو فيه.
انا في بداية البحث البديتو عن البيت دا لقيت مقال صحفي مكتوب قبل ٨ سنوات على ما اظن وقالو انو القصص دي من تااليف سماسرة وانو البيتقال عنها دي كلها كـ,,ـذب لكن اتواصلت مع ناس حكو لي قصصهم وبيحلفو انو القصص دي حصلت معاهم او حكاها ليهم واحد عاشا فا حاحكي ليكم.
-نبدا بقصة اهل البيت وانو بعد حسو بالاشياء الغريبة بتحصل جوا البيت والاصوات والخيالات واثاث البيت البيتحرك براهو وعفش البيت البيحـ,,ـرق براهو بدون سبب غـ,,ـير الاشخاص الغريبين الفـ,,ـجأة بشوفوهم لافين ف البيت وفجـ,,ـأة بيختـ,,ـفو والتهـ,,ـديدات البتحصل قرروا يجيبو شيوخ
شيوخ من اي حته من الخـ,,ـرطوم وبحري وامدرمان حتى شيوخ من غرب السـ,,ـودان وشيوخ من منطـ,,ـقة (ام ضوا بان) حتى انهم كانوا بيغرضو عليهم اسعار خرافية كعربون لو طلعوا ليهم الساكنين البيت دا حتى انهم استعانو بشيوخ من الخليج الامـ,,ـارات والسعـ,,ـودية ولكن كلهم كان مصيرهم واحد اول ما بيوصلو البيت…
بيحسوو بكميية مخيـ,,ـفة من الوحـ,,ـشية والطاقة السلبية وعدم الترحيب ونيه قتل ماعادية فا كانو ولا بيحاولو اصلا انهم يعملو حاجة فا بيعتـ,,ـذرو وبيمشو وتاني مابيرجعو.. وكانو بيوروهم انو البيت دا قاعد في منطـ,,ـقة تعتبر بوابة بين عالمنا وعالمهم فا ما عائلة واحدة يمكن تكون قبيلة كاملة ساكنه البيت دا.
-حاولو يجيبو غفير(حارس) لكن كلهم كانو ما بيقعدو يوم واحد وماكانو اصلا بيحكوا الحصل ليهم شنو جوا الا واحد بس ودا العندو اشهر قصة والحكوها لي كم نفر.
-الغفير(عبد الله) رحمه الله عليه :كان انسان مؤمن بربو وما بيخـ,,ـاف من شي وهو اطول واحد قضا فترة ف بيت السفينه غفير وحكى للناس عنو…
حكى وقال انو انا من اول يوم جيت فيهو البيت كنت بسمع اصوات اطفال وبشوف مخلوقات واشكال اول مرة اشوفا ناس بتمشي واطرافا مقطـ,,ـعه حيـ,,ـوانات كتيرة مستحيل تكون موجودة هنا كما انو قال مرة شاف اسد! ايوة اسد ولمن كان بيقرا قرآن فجـ,,ـاة بيخـ,,ـتفي. حاولو يحـ,,ـذروهو ويطـ,,ـردوهو الف مرا لكن رفـ,,ـض لحدي ما حصل
فيوم من الايام الجيران سمعو صوت صـ,,ـريخ لمن وصلو لعبدالله جوة لقوهو مـ,,ـيت قدام الباب ومحـ,,ـروق ومافي اي اثـ,,ـر نـ,,ـار في الأرض ولا اي شي تاني محـ,,ـروق غيرو حتى ملابسو ما حـ,,ـرقت حـ,,ـرق هو بس!!!!!
من اليوم داك بدت شهرة البيت تنمو وتكبر لحدي يومنا دا وفي كم قصة حصلت مع ناس هسي وهم الحكوها لي وشكرا شديد ليهم على التعاون وحأحكي قصصهم
اول قصة حكاها اخونا احمد قال مرة كنا ماشين انا وصاحبي راكبين في ركشة والركشة ما وقفت الا قصاد البيت فلمن عاينت ف شباك الطابق التاني شفت راجل عـ,,ـجوز محنن دقنو لمن لمحني رجع وقف ف الشباك. وقعد يضحك ولفا راسو حولين رقبتو(زي البومه)ماصدق الحصل الا اكد ليهو صاحبو الشافو وكملو طريقهم…
-قصةحصلت لاخونا (محمد عاطف) قال كنا دايما بنمشي تمرين كورة بليل ولمن نجي بجبمب البيت دا بجينا شعور غريب يوم من الايام كنت راجع براي فا عاينت ف سطوح البيت شفت لي بت واقفة ف السطح وشعرا مغطي عيونا اتلفت على الشارع ولمن رفعت راسي تاني لقيتها فجـ,,ـأة ف الطابق التاني! (السطح الرابع)!!
القصة حصلت قبل سنه تقريبا ولمن وصلنا المنطـ,,ـقة ماكانا عارفين ياتو البيت بالزبط والساعه كانت ١٢ بليل والشارع فاضي لقينا نفرين وسألناهم عاينو في بعض وقعدو يضحكو وف النـ,,ـهاية وصفو لينا وصف غلط.
اخدنا يوتيرن ولقينا واحد خاتي طربيزة فيها لمبة جمب الخور والغريب انو الزول دا ما بيبيع ولا اي شي في طربيزتو دي والساعه واحدة الا والشارع فاضي هو براهو قاعد. سلمنا عليهو ولمن سالناهو عن البيت ردا بسرعه وقالينا تالت بيت. (بس اعملو حسابكم الزمن متأخر شديد يا اولادي)..
ما قدرنا نوقف العربي برة لانو شارع زلط فقلنا نوقفا بالشارع الفي الحلة ونحن لافينا سمعنا صوت كميه كبيرة من الكلاب بتنبح لمن خشينا الشارع مالقينا ولا حتى نص كلب ف الشارع؟ نخن هنا بدينا نستغرب من الحاصل بعد شوية
حسينا بانو اغصان الشجرة بتضـ,,ـرب سقف العربية بقوة زي الكانو في حاجة بتنطط ف الشجرة مع انو ماكان في هوا قوي لدرجة يحرك الاغضان بالقوة دي. نورنا بكشافاتنا ف الشجرة مالقينا اي حاجة!!…..
قررنا نرجع الشارع الكان واقيفن فيهو ونحن واقفين ف الشارع وبنصور تاني سمعنا صوت الكلاب بقرب علينا من الشارع ونحن جوة العربية.. بعد شوية الصوت سكت وطلع راجل من الشارع ماشي.. (ونسيت اوريكم انو لمن طلعو على الشارع مالقو الراجل الكان قاعد بي طربيزو لا هو لا طربيزتو اخـ,,ـتفو!)! !
في لحظة التصوير فجئة لاحظنا انو ورا اوبي في راجل ماشي في الشارع مع انو مافينا ولا واحد شافو وهو جاي من قدام العربية. قلنا نصورو لكن الكاميرا كانت ما بتعمل فوكس والتلفون برضو حاولنا نصور بيهو الصورة كانت بتجي مشوشة
الراجل وقف وبقا ينطط! بدون اي سبب بقا ينطط وجرا ف اتجاه الخور…….. واخـ,,ـتفى
▶️قصص كتيرة بتتحكي من سكان الحي وانهم اول ما يجي الليل بشوفو انوار مولـ,,ـعه جوا البيت ومرات بيسمعو صوت اغاني ومرات بيشمو ريحة بخور جوا البيت فا في كدة هالة غموض كبيرة حوالين القصص
انتهى الثريد وان شاء الله يارب يكون عجبكم….????
ما تنسوا تتحصنوا لانو الكلام ده حقيقي
